ODI Series: India tsürtemi takok nguogo

Vijayawada, November 16 (Agencies): India’er tetsür cricket teloki runs 15 agi 3 buba One-Day International (ODI) asaya koka, points 3-0 agi West Indies tsürtem madak par ODI Series asaya tanü, Bodbar nü kokogo.
Tanü asaya nung India tsürtemi par wicket 6 tashi laoa, overs 50 nung ajak agi runs 199 yangluba sülen West Indies telok nem runs 184 yangludakja, par asayar ajunga overs 49.1 nung asayadak nungi tugudakja, asayaji kokadok.
Krishnamurthy-i boundary 10 densema, ball 79 nung runs 71 yanglu; Harmanpreet Kaur-i runs 19 aser Debutant Devika Vaidya-i ball 45 nung runs 32 tashi yanglua, par India telok nem takok ngudaktsü.
Kycia Knight, Hayley Matthews aser Merissa Aguilleira nungeria runs 55, 44 aser 22 yanglua, kanga meranga asaya saka par West Indies teloki tamakok ajurua liasü.
Tan asaya ya International Cricket Council (ICC) kübok Women’s Championship nung densema lir aser India tsürtemi tan series akokba sülen points 2 tashi ajangzükogo.