Sharapova-i Rogers Cup nung shilem magitsü

Toronto, August 08 (Agencies): Tetsür World No. 2 Maria Sharapova-i taruba hopta nungi tenzüka Toronto yimti nung asayatsü ayongba Rogers Cup tennis asayamong nung shilem magitettsüsa akümba osang ka asayamong tayongeri tanü Honibar nü metetdaktsüogo.
Sharapova tetsüng atsüpetba ajanga lai iba asayamong nung shilem magitetsüsa akümba osang jangjaogo.
Russia tsürla, Sharapova-i shilem magitettsüsa akümba yong Romania tsür Simona Halep-i Sharapova-i toktsüba menden ngua tan asayamong nung tanabuba jenjang abentsü maongka nguogo.
Tetsür World No. 1 America tsür Serena Williams-i 2001, 2011 aser 2013 nung agizükba densema tan agi 4 buba Rogers Cup takok marok agizüktsü alizüng tulu ayuba osanga jangjaogo.
Taoba mapang Grand Slam takok marok 5 tashi agizükla, Sharapova-i tennis asayatsü tenzüker tanü tashi nung US Open asayamong asoshi renemshia asayaba Rogers Cup takok marok ken danga agizüka mali.