Itasen ‘cash’ nung magütsütsü: Mkg DC

Mokokchung, November 19 (TYO): Mokokchung Deputy Commissioner, Sushil Kumar Patel-i office ajak nung tekolakpurtem dang Adhoc/Contingents densema pei staff tem bank account lapokba nung yaritepang, kechiyong staff tem ajak itasen peipei account nung dang inoktsütsü, ta metetdaktsüogo.
Sorkari sen 1000 aser 500 anentsüba dak sentakba nung iba tetuyuba agütsüogo.
November 18, 2016 nü Sushil Kumar Patel-i, iba amaji meinyaktetra iba khuretji office tekolakpurtemi abentsü, kechiyong sorkar nungi tetuyuba tasen ka marura itasenji ‘cash’ nung magütsütsü, ta metetdakja liasü.