NCC tetsür Cadet temi Ajmer Trek nung shilem agi

Dimapur, November 20 (TYO) : Nagaland nungi NCC girl cadets-i kanga dang nüngtugu aser akhümket Ajmer Trek nung takok ngua shilem agiogo.
Nagaland nungi ANO Lt Chumbeni Ngullie-i anir G Rio School, St Joseph College Jakhama aser Kohima Government College nungi tetsür cadet 50 tashi shilem agi.
Linük kübok tesem ajak nungi adenshiba cadet tem den Nagaland nungi aoba cadet temi shilem agi aser parnoki Ajmer kübok Pushkar, Nareli aser Taragarh treks densema tanga tesem aika semdang.
Parnokisa, Jain temples, Akbar Fort, Soni Ji KI Nasiah aser Dargah tomb nungertem semdanga liasü.
1 Nagaland Girls Bn-i cadet tem Ajmer-i anir or aruba atema Nagaland nung NCC Group Commander, Brig MS Nikam-i parnok dang pelaba metetdaktsü.