Force 2 mezüng anogo nung sen crore 6.5 aazük

Mumbai, November 20 (Agencies) : John Abraham aser Sonakshi Sinha nati tongti shilem agiba Force 2 film sayaba anogo nung sen crore 6 den tema aazükogo.
Sorkari sen tejen agienba sülena, Hokobarnü Force 2 sayaba anogo nung sen crore 6.05 aazük. Iba ya John Abraham atema India nung mezüng anogo nung sen timba aazükba lir, ta Force 2 indang publicist-i sangdong ka nung metetdaktsü.
Force 2 ya Force franchise nung film tanabuba lir aser Tahir Raj Bhasin-ia shilem agir.
Abhinay Deo-i direct asüba film ya nisung kati India nung intelligence agency -Research and Analysis Wing (RAW) agent tem tepsettsü tasa atongba indang otsü lir.