ISL: NorthEast United teloki Pune telok akok

Guwahati, November 22 (Agencies): Romaric-i takokba goal agütsüba ajanga par NorthEast United teloki FC Pune City telok madak takok ngua, tang tasayadak 3 buba Indian Super League (ISL) football asayamong nung tanü, Mongolbar nü shilem agiogo.
Tan takok anguba ya NorthEast teloki asaya 6 tashi atonga mekoki aruba sülen tan asaya 1 buba akoker lir.
Par teloki tan takok anguba sülen points 3 ajangzüka, Chennaiyin FC telok den sako points angur telok akümba den par teloki goal timba agüja aliba nüngtem nung tan asayamong nung shilem agir telok temaba tarensen nung 6 buba jenjang abener telok kümogo.
Tanü tamakok nguaka, Pune teloki tanga 4 buba jenjang abenba osang angazükogo.
Tanü asaya nung telok anapronglai goal magütsüteti asayaba sülen taoba Sevilla midfielder, Romaric-i minute 82 buba nung free-kick takok ngua metsüokja, par NorthEast telok nem takok ngudaktsü.