Will.i.am-i ‘The Voice’ series pezü sülen toktsüogo

August 09, 2015: BBC talent show ‘The Voice’ tetendanger aser kentener Rita Ora-i iba show toktsüogo, aser tang Will.i.am-ia toktsütsü ta osang ka ajanga metetdaktsü.
Series pezü sülen tang ‘The Voice’ nung tetendanger Will.i.am-i iba show toktsüogo. ‘Black Eyed Peas’ nungi kentener Will.i.am mezüng 2012 küm iba show tenzükba mapang nungi tetendanger ka ama shilem agia aruogo, aji süaka iba show ajanga kentener mongin kata madokdaktsütetba ajanga pa mepelar, ta Daily Star osang ajanga metetdaktsü.
Osang ka ajanga ashiba agi, “Producer tem den Will o lemtepa aruogo saka takümbo pai iba show nung shilem maginer. Rita Ora-i toktsüba ajanga pa mepelar, aser iba show ajanga International star kata madokdaktsütetba ajanga pa jashir,” ta ashi.
Ajisüaka BBC ketdangsertemi pa nem sen tali agütsütsü nangzükba den külemi parnoki akokba tashi agi Will maneni tetendanger asütsü mepishir.
Will.i.am-i pongububa season nung shilem magira America nunger kentener Jason Derulo-i pa melenzüktsüa akok.
Iba show nung ano tetendanger ana- Tom Jones aser Ricky Wilson nabo maneni tetendangersa asütsü.