Kohima nung tashiyim agi sen sarur 2 apu

Dimapur, November 23 (TYO) : November 23, 2016 nü mejangjatetba nisung kati ‘T’ Khel Junction, Chandmari Colony, Kohima nung taxi anishirtem dang nungi tax sarur ta osang angazükba sülen, South Police Station nungi Kohima Police tesem tonga oa bushisüngdangdang.
Police tesem tonga oa bushisüngdang asüdang nisungbaji Maruti Alto (B/R. No. NL07-1178) gari nung mener Midland Colony leni ogo ta osang angazük, ta Sub-Divisional Police Officer (South) & PRO Kohima sangdong ka nung metetdaktsü.
Police-i Kohima jila tiyong nung bushitepa aodang New Market nung Maruti Alto gariji sot aser gari anisang den nisung ka mena aliba apu.
Gari anisangji Tichimani yimer Khuyivi Sumi’er jabaso ta Yashito Sumi aser mena alisangji Hongphoi yimer Hatwang Konyak’er jabaso Pvt. Peiwang Konyak, FGN, ta jangjaogo.
Police tena mang mita reprangdang Peiwang Konyak ket nung tashiyim agi sen meshiba shidi 25 bena aliba ngutet. Iba dak sendakba nung Kohima South P.S nung ken o ka benokogo, ta Sub-Divisional Police Officer (South) & PRO Kohima-isa metetdaktsü.