‘NE Body can Sing’ final auditon live sayutsü: AIR

Kohima, November 24 (TYO): Kohima kübok State Academy Hall nung tan November ita 26 nü agitsü renemba ‘State Final Audition – NE Body can Sing 2016, Season 2’ sentong nüburtem dang sayutsü renemba osang ka All India Radio (AIR) Kohima-i metetdaktsüogo.
Iba sentong ya nikongtsütsü 4:00 ako nungi tenzüka agitsü aser Nagaland tesem balala nungi tetokteper ajak agi nisung 12 tashi iba sentong nung shilem agitsü temeten ngua lir.
“Kasa sentong nung Kohima nung tentetba DK Entertainment telokia shilem agitsü sentong lir aser tejangrar nüburtemi iba sentong ya angadi agi reprangtettsü,” ta par tenteti sangoktsü.
Ano, tetoktepdaki tsüngdong marutetertemi radio nung FM 103 MHz AIR, Kohima aser mobile phone o car nung mesenlokba tape na nung 100.9 MHz ajanga sentong tagidak osang agitettsüsa renemtsüogo.