Nagaland nung angati medical camp agitsü atema takotet nisungtem arua lir

November 25, 2016 nü Police Guest House Chumukedima Dimapur nung tangalen nungi aruba medical telok den CMO Dimapur aser tanga ketdangsertem külemi agiba noksa angur.

Dimapur, November 25 (TYO) : November 25, 2016 nü Dr. Palep-i anir züngsem 54 agi akümba medical team ka Dimapur tonga aruogo.
Iba telok nung doctor 36 den paramedical technicians dena lir aser parnoki district 7- Dimapur, Kohima, Wokha, Peren, Mon, Mokokchung aser Phek nung angati medical camps agitsü.
Tanü Dimapur Chief Medical Officer, Dr.Vikato-i anir nodal officers, district administration nungi teshimtet nübotem aser DPRO ketdangsertemi Dimapur airport nung ainertem pela agizük.
Dimapur airport nungi parnok Police guest house Chumukedima-i anir ao aser idakji CMO Dimapur-i temetettsü kar lemsatepba sülen parnok nodal officer temi anir district balalai apusoa ao.
Nagaland Angh, P.B. Acharya ketdangsüba kübok Nagaland tesem balala nung angati medical camp agir.
Public-i tem camp nung maongka agitsü metetdaktsür aser iba denji külemi shiranger nem mozütem angati agütsütsü. Shirangertemi pei alidak district hospital tem nung tenüng züluoktsü akok.