Maruti Suzuki-i ‘Wagon R Felicity’ sayaogo

New Delhi, November 25 (Agencies) : Automobile yanglur tetsüti Maruti Suzuki-i Hokolbarnü sen lakh 4.40 aser lakh 5.37 tsüngda agi ayoktsü atema, ‘Wagon R Felicity’ gari ishika yanglua sayaogo.
“Wagon R ya tesüiba küm pung tashi atonga atonga India nung gari timtiba ayokba tarensen pungububa nungi masetshi lir. Onoki ozü brand takok anguba nüngtem nung feature tasen aser aika keta aliba gari balaka yangluogo,” ta Maruti Suzuki India, Marketing and Sales nung Executive Director R.S. Kalsi-i ashi.
“Wagon R Felicity ajanga onok takok anguba sayur aser iba gari ya ishika tang yanglua lir. Wagon R meimertem aser gari tila aginertemi iba gari saputsü ni amanger,” ta paisa ashi.
Tang ishika tang yanglua aliba Wagon R Felicity gari ya tapu ana nung angutsü — Lxi aser Vxi — item garitem ya peii tsüknüba totsü atsüktsü maongka agütsütetba garitem lir.
Gari tasentem nung manual transmission den AMT (automated manual transmission) dena keta lir anungji tamshirtemi pei aginüba shima amshitettsü.
Wagon R gari tasentem nung reverse parking sensor keta lir aser yangji display aser voice guidance densema lir. Iba den külemi Lxi gari nung double-din bluetooth music system, speaker dena lir.