Vishnu Raj Mr India World 2016 adokogo

Mumbai, November 26 (Agencies) : Mr India World 2016 tetoktepba nung Vishnu Raj Menon-i takok korang nguogo.
Bengaluru nungi, Menon, Peter England Mr India World 2016 adokogo, ta Hokolbar aonung start tem-a aika sendena aliba sentong nung Bollywood actor Hrithik Roshan-i metetdaktsü.
“Ibai tereprangtsü ajungba kija toktepba sentong masü. Yangi yimya aika nung ajemdaker tokteper. Shilem agirtem ya mapa inyakertem lir saka parnoki iba tetoktepba nung adentsü atema mapa agiteter pei sasa azüokba ajanga iba jenjang tashi tongtetogo. Parnok meranga inyakba atema tenüngsang agütsütsü tetemsü. Parnoki iba jenjang tashi tongtetra ano parnoki taküm nung taginüba ajak tongtettsü,” ta Hrithik-i osangbenertem dang ashi.
“Yaküm Mr World tetoktepba nung Mr India-i takok angu anungji taküma kasaji asütsü imla atar,” ta pai ashi.
“Nü kü mulungjang ajak agi parnok tushir aser temeim lemsateper. Parnok kinungertema parnok agi kanga nema tangteta alitsü,” ta pai shisem.
Iba tetoktepba nung Delhi nungi Viren Barman-i first runner up aser Delhi nungisa Altamash Faraz-i second runner-up jenjangtem nung takok angu.
Mr India World 2016 tetoktepba nung linük tesem balala nungi parnok nisung 16-i shilem agi aser parnok dang Prasad Bidapa (Fashion Director), Amit Khanna (Ace Photographer) aser Abbas Ali (Celebrity Fitness Coach) nunger den ano fashion aser film industry nungi nisung kar densemer tesayuba balala agütsü.
Shilem agir ajak atema sobutsütem Peter England aser celebrity fashion designer Nivedita Saboo nungeri style sütsü.
Sentong nung adener rongnung Kirti Kulhari, Gurmeet Choudhary, Debina Bonnerjee, Sana Khan, Madhurimma Tuli, Sharad Kelkar, Freddy Daruwalla, Ankita Shorey, aser Adah Sharma nungera liasü.