Mumbai, November 26 (Agencies): Küm 8 tejaklen Mumbai nung iba anogo (November 26) nung kiralongrartem den raradang taküm bendanga agüja asürtem bilemteta asürtem nem naro tokja akhüm agütsü.
Mumbai Police Gymkhana nung aliba police memorial nung asürtem nem akhüm agütsür tongtibang nisungtem rongnung Maharashtra chief minister, Devendra Fadnavis-a densema liasü.
Fadnavis-i, “Mumbai kümzüka alitsü atema asenok asoshi 26/11 nü taküm bendanga agüja asür tasütait police tem nem ni akhüm agütsür. Parnok ajanga asenoki nüma atanger,” ta ashi.
Kasa sentong nung state Angh, Vidyasagar Rao, Shiv Sena Tir, Uddhav Thackeray, taoba mapang Mumbai Police Commissioners- Julio Ribeiro, M N Singh aser tongtibang nisung aika dena liasü.
Mumbai amakba mapang asürtem nem akhüm agütsü added by asungba on
View all posts by asungba →
You must be logged in to post a comment Login