Martin Scorsese indang ‘Silence’ film Vatican nung sayatsü

Los Angeles, November 28 (Agencies) : Los Angeles nungi Oscar takok anguba director Martin Scorsese-i yangluba film ‘Silence’ Vatican nung sayatsü.
Iba sentongji Pontifical Oriental Institute for the Jesuits nung agitsü aser Martin Scorsese-i putir aser tejaoker 400 shi atema sentong yangludar, ta Entertainment Weekly-i metetdaktsü.
Japanese kaketzülur Shusaku Endo-i züluba kaket ‘Silence’ nung ajemdaker iba film otsüji Scorsese o Jay Cocks (‘Gangs of New York’) nati zülu.
Khristan missionary ana (Andrew Garfield aser Adam Driver) nati tena sayur (Liam Neeson) bushia aoer aser iba mapang Japan nung Khristan yimsü nokdanga aliba mapang Tsüngrem o prokshir.