Chennai nung South Africa asayar 10 miim chisemer timtemer

Chennai, August 9 (Agencies) : Chennai nung South Africa A asayar 10 tashi chiyungtsü nung mim chisemer yasüng nungi mozü kidang anepaludar, ta South Africa telok nungi ketdangsertemi ashi.
Parnok India A den tri-series cricket asayatsü atema aru aser Deobarnü asaya tembangba sülen asayar pezü mozü kidangi anir aoba osang angazükogo.
Tanü opener Quinton de Kock-i runs 108 yangluteta asaya saka pa asaya tembangba sülen mozü kidangi anir aotsüsa aküm.
Yasüng nungi miim chisemer timtem ajuruba ajanga South Africa asayartem tanü India A den asayatsü asoshi asayar tajungtem maliasü, ta Cricket South Africa sangdong ka nung metetdaktsü.
“Reeza Hendricks, Zondo aser Mthokozisi Shezi nungertem ajak temang manem liasü saka tanga asayartem maliba ajanga parnok tanü asayatsüsa aküm. Ajisüaka par asemprongla asaya tom nung mozü kidangi anir ao aser asaya tembangba sülen De Kock anir ao” ta CSA sangdong nungsa shia lir.
Asayartem manemba agi asüng Hombarnü asaya asoshi India A-i South Africa A melena Australia A den asayatsü.
“Asüng South Africa A pur Australia A den asayatsüba liasü saka iba tensa ajurunung Mongulbar nü ang asayatsü” ta CSA sangdong nungsa metetdaktsü.
South Africa ‘A’ team management-i India A coach Rahul Dravid dang Hombarnü Australia A den asayatsü indang sentong melenshitsü asüngdang aser ibaji Dravid-i agizük, ta osang angazüker.