NAPAD-i World Disabled Day Cum Pre-Christmas ayongzüker

Dimapur, November 29 (TYO) : Nagaland Parents’ Association for Disabled (NAPAD)-i Kohima district nung ‘special children’ atema inyakba NGO tem World Disabled Day Cum Pre-Christmas sentong nung adentsü pelashishia jaokogo.
Sentongji December 3, 2016 anepdang 10:00 ako nung Highland Park, Below Indira Gandhi Stadium, Kohima nung alitsü aser omenji “Achieving 17 Goals for the Future We Want” asütsü, ta NAPAD President, Christina Mor aser Secretary, Kapochu-o Naleo nati sangdong ka nung metetdaktsü.
Sentong nung tongti tesemdangerji Forest & Climate Change Minister, Dr. Neikiesalie Nicky Kire asütsü aser Social Welfare Department Director, T. Merangtsungba Aier-i tetushi süa jaoker ama shilem agitsü.
NAPAD-i NGO tem aser temeimertem ajak iba sentong nung arua adentsü pelashishia jaoker, ta NAPAD mendenpurtemisa sangdong nung shia lir.