Hockey Series: India teloki Australia madak takok angu

Melbourne, November 29 (Agencies): Striker Affan Yousuf-i goal 2 tashi agütsüba ajanga par India teloki goal 3-2 agi world champions, Australia telok madak takok ngua, asaya 2 densemba hockey series tetenzükba asaya nung tanü, Mongolbar nü shilem agiogo.
India teloki tan takok anguba sülen points 1-0 agi Australia telok den temaba jenjang angur lir.
Yousuf-i tanü asaya tenzüker minute 19 buba par India telok asoshi 1 buba aser 2 buba goal atonga agüja, India telok temaba jenjang nung ajungkettsü.
Asaya tanabuba shilem nung, asaya tenzüker minute 36 aser 43 buba na nung Matthew Willis aser Trent Mitton natia goal kaka agüja, par Australia telok India den sako jenjang kümdakja kanga junga asaya.
Ajisüaka, V R Raghunath-i asaya tenzüker minute 44 buba nung 3 buba goal agüja, India maneni temaba jenjang nung ajungkettsü.
Tanüngba asaya mapang nung Australia teloki 3 buba goal memeyiptsütetba yong par teloki tanü tamakok ajuru.
Par telok anati par taruba asaya tan Bodbar nü asayatsü renema lir.