Dimapur nung moko atema DLCC senden amen

Dimapur Deputy Commissioner, Kesonyu Yhome, IAS-i  West City building nung District Level Co-ordination Committee (DLCC) review meeting nung o jembiba angur.

Dimapur, November 30 (TYO) : Dimapur district nung 3rd quarterly 2016-17 atema District Level Co-ordination Committee (DLCC) Review Meeting November 30 nü agi.
Iba senden ya West City Building, Dimapur nung agi aser Dimapur Deputy Commissioner, DLCC Dimapur District Chairman, Kesonyu Yhome menden liasü.
“Moko anema inyakba mapa ya tebilemtsü abenertemi tatishitsü keta mapa inyakba ajanga takok angur. Tanurtemi moko machitsü atema nenoki maneni tatishitsüsa keta mapa inyaktsü ayongzüker,” ta senden nung Dimapur DC-i ashi.
Paisa shisaliok reju balala nung tesayurtem dang tanurtem asoshi tatishitsü angurtem asütsü ayongzük.
Senden nung JE, College Diphupar, Dimapur Principal, Limatemjen-i ‘Being Tobacco Free Institution’ onük jembidang, reju nung moko mamshidaktsütsü atema mapa inyakdang tetsükdaktsütem ajuruba lemsatep.
Moko anema mapa inyakba asoshi sabang tongtipang kaji arogo lir, ta paisa shisem.
Senden nung DNO, NTCP, Dr. C. Tetso-i Tobacco Free School indang temetettsütem ashi.
Senden nung Tobacco Free School Certificate angurtem:
GMS, Jharnapani, GMS, Kukidolong, GMS, Darogapathar, GMS, Aoyimkum, Little Star HSS, Dimapur, Zion School, Kacharigaon, Pherima, Chakhro Baptist School Medziphema, Modern Christian School Medziphema, Nagaland Adventist School, Walford Colony, S. D. Jain HSS, Dimapur, Ram Janaki HSS Dimapur, Bethel Faith School, Seithekema, Unity College, Immanuel College, Lingrijan, J. N Aier College, Diphupar, GHS, Naga United Village aser Carmel HSS Diphupar.