Asian Karate Championship: Arishi küm 7 tain Mansoor-i gold agizük

New Delhi, November 30 (Agencies): India kübok Jammu & Kashmir nung alir arishi küm 7 tain Hashim Mansoor-i Delhi yimtiba nung ayongba Asian Youth Karate Championships nung gold medal tanü, Bodbar nü agizükogo.
Kashmir kübok Bandipora district nung alisang, Mansoor-i final asaya nung Sri Lanka nungi tetokteper tsükdakja, temang seret 25 taret ser tekübok sub-junior tetoktepba gold agizük.
“Ni gold medal agizüktsü maongka anguba atema kanga pelar. Iba takokba ajangzüktsü nükla yur ni küm 1 tashi terenemshia agia liasü,” ta Mansoor-i tesülen metetdaktsü.
Bandipora nungsa alir, arishi küm 8 tain Tajamul Islam-i World Kick-boxing Championships sub-junior tetoktepba gold agizüka, iba takokba ajangzüker mezüngbuba India asayar tawa akümba osanga jangjaogo.
Ano külen, Mansoor-i tan gold agizükba sülen pai Europe nung taruba 2017 küm September ita agitsü ayongba World Championship nung India tenüng nung toktepa shilem agitsü temeten nguogo.