Alima nung tantsütila, Morano küm 117 tain akümer

Verbania, November 30 (Agencies): Alima nung tantsütila, Italy tsür, Emma Morano yashi arishi küm 117 jungogo.
Italy anüdoklentip tsütsülen, Verbania jila nung Morano-i lar doctor, Dr Carlo Bava aser kinüngertem den la arishi küm 117 tain akümba sentong lar kidang pelatepa monga liasü.
Italy Ato Kilonser, Sergio Mattarella-ia la maneni anema aser sünepa alitsü atema sarasademtsüba shidi ka yok aser sorkar ketdangser kati iba shidi zünga sayubaji Italy sorkari ketdang asüba television sentong nung sayu.
Tesülen, Morano-i la atema renemtsüba cake nung tsülokba mombati apusepa, “Ni arishi küm 117 tain akümtsü maongka anguba atema kanga pelar,” ta lemsatepa liasü.