Private health centres nung tobacco cessation service tenzüktsü

Dimapur, December 4 (TYO) : December 3, 2016 nü IDSP Hall CMO office Dimapur nung private hospitals aser health centres atema tobacco cessation counselling training ka ayongzüka agi.
Iba sentong nung o jembidang Dr C Tetseo-i ashiba agi, mozüki balala nung moko dak sendakba cancer, cardio vascular diseases, Tuberculosis aser tanga non-communicable diseases agi shirangertem aika lir.
Iba onük nung ajemdaker sorkar aser nija mozükitem nung tobacco cessation services tenzüktsübaji kanga tongtipang, ta paisa ashi.
Dr C Tetseo-isa CIHSR, Eden medical centre, Shalom home, Chavara home aser District tuberculosis centre nungi nübotem yokba atema ketdangsertem dang pelaba metetdaktsü.
Sentong nung health centre tem nungi counselors 12 aden aser Dr Vikato Kinimi CMO-i kulikakettem lema agütsü.