Kisama: Au süngküm jaja tetoktepba agi

2016 Hornbill Festival den sentaktepa, Nagaland Youth Resource & Sports Department-i ayongba au süngküm jaja tetoktepba nung tetoktepertemi shilem agiba noksa ka yangi angur. (Kohima, December 07)

Kohima, December 07 (TYO): Nagaland sorkar kübok Youth Resource & Sports (YRS) Department-i ayonger külen 2016 Hornbill Festival anogo 7 buba nung au süngküm jaja tetoktepba tanü, Bodbar nü agiogo.
Iba saisapong shilem ya Nagaland nung alir kin timbakati par sobaliba shilem ka ama asayar aser tanü tetotkepba nung Naga kin balala nungi tetokteper nisung 15 tashi shilem agia liasü.
Sumi kin nungi Hokugha-i second 26.19 nung alizüng mezüng tonga takokba ajangzük aser pa sülen anidaka, Pochury kin nungi Tamu aser Chang kin nungi Kushen nati second 28.2 aser 30.43 nung alizüng tonga, tanabuba aser tasembuba jenjang angu.
Assistant Director, YRS, Megolhou Dolie-i par asem nem senpet sen 7000, 5000 aser 3000 agüja liasü.