IT dept.-i Delhi Axis Bank nung account taila 44 apu

New Delhi, December 09 (Agencies) : November ita nungi India nung centre-i sen noklang 500 aser 100 senpaktem nokdangba sülen linük tesem balala nung sen taila mesüra nokdanger aliba sen miima aliba aika kakteta putet yonga arudar. Iba den külemi bank tem nung ochi mashi account tem lapoka aliba dena nguteta arur.
Ano tan kanga tesüngmangtsü tatalokba ka nung, Income Tax department ketdangsertemi Axis Bank Delhi branch mita aoba mapang account taila 44 putetogo.
Parnoki Chandni Chowk, Delhi tesem nung mita aodang nokdanger aliba senpak sen crore ka shi ngutet.
Account taila 44 ji documents taila amshia yanglubatem liasü aser item account nung aliba senji hon alitsü atema inoka ayuba asütsü akok, ta Income Tax department ketdangsertemi mulung melemi bilemer.
Iba jakdanga Tax department nung ketdangsertemi Axis Bank indang Kashmere Gate branch nungi nisung anati sen tasenba crore 3.5 bener lia apu.