Longtsung yimtsüng nung nisung ka shiti-i ajemset

Dimapur, December 10 (TYO) : December 8, 2016 nü Wokha District kübok Longtsung yimtsüng nung arem shiti telok kati asür Simon Mozhui’er jabaso Nyamo Mozhui ajemset, ta Longtsung Village Head G.B, Wosemo Mozhui-i sangdong ka nung metetdaktsü.
Anepdang 7:30 ako meta asür Nyamo aser par kinünger ana rubber plantation nung mapa inyaki aodang, iba lendong ya atalok. Ibanepji tzüsü kanga liasü aser tia ka Nyamo’er kinünger anajibo jena otet, ta sangdong nung shia lir.
Bangdak ketdangsertemi tekaratiba nung mapa inyaktsü mepishia metetdaktsür, ta Longtsung Village Head G.B-isa ashi.