World Swimming C’ships: Russia-i medal 11 agizük

Windsor, December 10 (Agencies): Canada kübok Windsor nung tagidak World Swimming Championships (25m) anogo 4 buba nung Russia teloki gold 2 aser silver 2 densema, medal 4 tashi agizüka, yashi, Hokolbar nü shilem agiogo.
Tan medal 4 agizükba densema, Russia teloki yashi tashi nung gold 4, silver 5 aser bronze 2 densema, ajak agi medal 11 agizüker telok kümogo.
Par teloki tan mezüngsüa, World Swimming Championships nung medal 11 tashi agizüka, otsü tasen yanglur lir.
United Arab Emirates (UAE) kübok Dubai nung tesüsa, 2010 küm agiba championships nung Russia teloki gold 4, silver 4 aser bronze 2 densema, ajak agi medal 10 dang agizüka liasü.
Iba tetoktepba ya tan December ita 12 nü tembangtsü.