IS den raratsü atema US-i sepai 200 yoksemtsü

Washington, December 11 (Agencies) : Honibarnü Pentagon-i, Syria nung Islamic State (IS) den raratsü atema US nungi sepai noklang ana (200) yoksemtsü, ta sangdong ka ajanga metetdaktsüogo.
Tang yoktsü aliba sepai noklang ana (200) rongnungji special operations forces, trainers, advisers aser explosive ordinance disposal teams dena lir, ta sangdong nung shia aliba Xinhua news agency osang ajanga metetdaktsü.
US Defense Secretary Ash Carter-i iba osang ya Gulf state, Bahrain nung ojembiba mapang metetdaktsü ta sangdong nungji shia lir.
“Item sepaitem ya tang Syria nung oa aliba sepai 300 den oa lokteptsü aser IS den raratsü atema maneni sentongtem yanglua training aser nüngdakba kechisarena nung yariteptsü,” ta Carter-i ashiba sangdong ajangasa metetdaktsü.