Jharkhand nung IED bomb 100 angu

Ranchi (Jharkhand), December 11 (Agencies): Tanü Jharkhand, Latehar district nung Maoists telungpurtemi rema yutsüba improvised explosive devices (IED) aser crude bombs 100 dak tema ngutetba sülen raksaa intokogo, ta state police osang ka ajanga metetdaktsü.
Police ketdangser kati ashiba agi, Ranchi nungi kilometer 140 shi pilar aliba Latehar arem nung improvised explosive devices bomb temji tarensena remer lia angu.
Security sepaitemi mita aodang item bomb ji angu.
State police-i ashiba agi, item bomb ji security sepaitem tepsettsü nükjidong nung rema yutsüba liasü.
State nung district 24 nungi district 18 nungbo Maoist telungpurtem ya kanga yakyaka inyaker.