Helicopter lendong nung ka asü, 3 yiru

New Delhi/Mumbai, December 11 (Agencies): Deobarnü Mumbai, Goregaon kübok Aarey Colony nung helicopter ka tsükokba lendong nung pilot ka asü aser nisung asem yiruogo.
Helicopter nung mena alir parnok pezüprong yirua hospital kati anir ao saka nisung kabo mekümzükteti asü, ta DCP (Zone 12), Kirankumar Chavan-i metetdaktsü.
“Tanü 11:45 ako meta onoki kiyong nung mokozü ngua lendong kar atalok südi ta bilem,” ta yangji alir tenük kuli alir kati ashi.
Südoksünema senzütsü atema helicopter ji Juhu airport nungi apusoa liasü. Robinson R44 Astro helicopter registration number ji VT PHB lir.
Iba helicopter ji 1992 küm yanglu. Iba helicopter ji Pawan Hans kübok liasü saka tesülen Aman aviation dang yokdok. Iba helicopter ya yanglushir südoksünema senzütsü atema amshir.