Mokokchung nung azü ka dak nungi tumour tuluka rangtet

Dimapur, August 10 (TYO) : August 10, 2015 nü Veterinary Hospital, Mokokchung nung küm 12 tain azü tebong ka dak surgery agi ta Dr. Tiachuba Jamir, Veterinary Surgeon, Mokokchung-i sangdong ka nung metetdaktsü.
Tesüiba küm 3 tashi iba azü ‘Doggy’ dak tumour ji keta liasü aser tanü Mokokchung aser Dimapur nungi Dr Aoyimsen Jamir, Dr Michael Imti Imchen aser technical support staff nungertemi iba tumour ji rangteta endok, ta Dr. Tiachuba Jamir-isa shia lir.
Ghonda ana shi agiba surgery nung azü dak nungi tumour tulu ka rangtet. Iba tumour indang touzükji seret 2.750 liasü aser iba ya linük nung azü dak nungi tumour agitetba rongnung tulutiba asütsü akok, ta paisa metetdaktsü.