Clooney aser kinüngtsü Amal na balatsü

December 11, 2016: Actor George Clooney aser pa kinüngtsü Amal na joko balala lidar aser US sen million 300 agi balatsü, ta osang ka ajanga metetdaktsü.
“Amal aser George na balatsü sangdong! US sen million 300 agi balatsü osang ajanga Hollywood anokshidaktsür!” ta OK! Magazine nung adokogo, ta aceshowbiz.com osang ajanga metetdaktsü.
“Amal-i tanur aginüa liasü saka paibo maginer. Lai iba sen angutsü aser pa indang Lake Como villa angutsü,” ta kasa osang ajanga ashi.
Tamalen Clooney-i pound sen 450,000 jenjang kuri (ring) agi Amal Alamuddin den aniasünga liasü.
“Tena kanga meimteper, saka tena taküm nung tanginüba balala ta tenati rajem südi. Tena tepilaba akümer, aser ibaji ajanga tena lenmang balala pakshitsüsa akümer,” ta osang ka ajanga ashi.
Kasa osang ajangasa, “George aser Amal na mezüng ajurutepdang parnok medemertemi tena apuani asütsü atema kanga tetemsü ta bilema liasü. Ajisüaka tang parnok karibo tena balatsü atema sangdongtsü imlar,” ta ashi.
“Tanur agitsü atema George kanga rongshia liasü aser pai ibaji memelungi agizük. Ajisüaka , pai iba telemtetba nungi meyipogo aser ibayongji Amal mepelar,” ta telung osang ka ajanga ashi.
“Amal-i sen jenti indoka taküm linüba agi lakteta George-i Britain-i oa alitsü bilemer. Item kuli ajak ajanga tang tena balala lidar,” ta magazine nungji shia lir.
Hollywood star George aser British human rights lawyer Amal na 2014 küm kibong küma liasü.