AR-i NNC/FGN züngsem ka apu

Dimapur, December 11 (TYO) : Osang tejangja kar angazükba sülen, December 11, 2016 nü 41 Assam Rifles den police dena Nihokhu yimtsüng nung nisung ka bushitsü tenzük ta AR sangdong ka nung metetdaktsü.
Iba mapang nisung ka apu aser pa ket nung Pt 22 Rifle, magazine 1, live ammunition 14 rounds aser fired case cartridges 132 bena liaasü, ta Assam Rifles sangdong nung shia lir.
Iba nisungji Nihokhu nung asür Khajeru Sema’er jabaso Toshevi Sema ta jangjaogo. Pa ya NNC/FGN züngsem lir aser pa den külemi apuba prangpong-injangtemji Nuiland Police Station, Dimapur ket nung agütsüogo, ta AR-isa metetdaktsü.