Virat Kholi 200 Runs 3ben yanglur mezüngbuba India captain kümogo

December 11 (Agencies): India Cricket captain Virat Kholi-i Deobarnü run noklang ana agiteta ostü tasen ka yangluogo.
Arishi küm 28 tain Kholi-i Deobarnü Wankhede Stadium, Mumbai nung England den pezü buba test match anogo pezü buba asayadang kanga junga asayaa iba ostü tasen yanglua liasü. Tan pai alima nung cricket asayar tajungtiba rongnung ka küma asayogo.
Taküm Virat Kholi-i West Indies, New Zealand aser tang England den asayadang runs noklang anana yangluogo. Ibaji ajanga pa küm ka nung asemben tashi runs noklang anana agir India nunger batsman aser captain rongnung mezüngbuba aser alima nung pungububa cricket asayar kümogo.
Iba ya ajanga tamalen pa England den asayaba average 13.40 otsü melenshiogo. Pai Deobarnü 235 runs agitetba agi Dhoni-i 2013 küm Australia den asayadang runs 224 agiba ajatetogo aser dang pa average 50 kümogo.
Tesüiba mapang Indian captain Tiger Pataudi, Sunil Gavaskar, Sachin Tendulkar aser MS Dhoni nungeria runs noklang anana agia lir. Küm 28 nung Kholi-i asemben runs noklang anana agiogo aser pa bo tang ang tenzüker, ta osang ajanga ashi.