Madonna kanga tasü tait:Lady Gaga

December 13, 2016 : 2016 Billboard sentong nung kentener Lady Gaga-i nüngtugu pop kentener Madonna tushia jembidang Madonna kanga tasü tait, ta ashi.
Lady Gaga-i la tekolok nung tashi maitba indang ashi. Lai, “Ni PTSD agi shiranger,” ta ashi.
“Madonna, nai Billboard Music Awards sentong nung jembiba ajanga aika ajungmesogo. Na kanga tasü tait lir. Tetsür ajak dak ibaji nüngdaker.,” ta arishi küm 30 tain, Gaga-i tweet asüba magazine ka ajanga metetdaktsü.
December 9, 2016 nü Madonna-i Woman of the Year Award agizükba mapang temulung shirangtsü o kar jembia liasü. Lai tesüiba mapang tashiyim agi la taküm raksatsüba aser shi nung medemba indang jembi.
Gaga-a tesüiba mapang tashiyim agi taküm raksatsüba taküm ka lir aser tang la tetsür temeten atema inyaker ka lir.
2011 küm Gaga-i sayaba ken ‘Born this way’ aser 1989 küm Madonna-i sayaba ‘Express yourself’ ken na tangatsü kanga mesükteper asüba ajanga kentener ana tsüngda tera meputep adoka liasü. 2015, February ita nung Madonna-i, “Gaga-i kü ken ka tensatsüogo,” ta ashi.