William Dalrymple-i “Kohinoor” sentilong indang kaket saya

New Delhi, December 13 (Agencies): Scottish nunger otsü meteter aser kaket zülur William Dalrymple-i alima nung kanga ashishitepba sentilong indang otsü kaket “Kohinoor-The Story of the Worlds Most Infamous Diamond”, Hokolbarnü sayaogo.
Osang zülur Anita Anand den sentepba züluba kaket ya taoba hopta Bikaner House, New Delhi nung saya.
Parnok mapa indang jembidang ashiba agi, iba kaket ajanga, alima nung kanga nungtugu süa ashishitepba sentilong indang ostü aika shia lir. Iba sentilong indang alima-i memetetba otsü kar iba kaket nung züluja lir.
Iba kaket sayaba sentong nung adenertem kanga jangratema O lemtepa liasü.
Iba kaket ya Kohinoor sentilong mechi rakzükraktemba, nisung tepsütba, rishikangshiba, ashioktsüba aser British nunger yimsüsüba mapang parmok meru-meruba indang densema zülua lir. Iba kaket ajanga alemli otsü aser ashia-apongba piladaktsütsü, ta kaket züluri ashi. Parnoki iba kaket sayadang, iba sentilong dak sendakba noksatem aika sayua liasü.