8 buba Nagaland Veteran Football ayonger

Kohima, December 13 (TYO): ‘Fitness surpasses age’ omen nung ajemdaker 8 buba Nagaland Veteran Football asayamong Phek jila nung taruba 2017 küm January ita 31 nü nungi February ita 3 nü tashi asayatsü ayongogo.
Asayamong tenzükba sentong nung Nagaland Chief Minister, T.R. Zeliang tongti tesemdanger aser Nagaland MLA, Kuzholiizo (Azo) Nienu tetushi tejaoker alitsü.
Phek District Veteran Football Association (PDVFA)-i ayongba asayamong asaya ajunga EAC HQ., Khuza nung asayatsü renema lir.
Nagaland kübok densemba district ajunga nungi veteran teloktemi iba asayamong nung shilem agitsü aser asayar telok ajungai asayadak taruba January ita 30 nü tashi nung atongtsü temetettsü olen ka PDVFA Tir, Salie Khesoh-ia metetdaktsüogo.