Alima nung taputiba Lenovo Yoga Book India nung sayaogo

New Delhi, December 14 (Agencies): Mongulbar nü India nung Lenovo Yoga Book 2-in-1 laptop sayaogo; Lenovo Yoga Book ya IFA 2016 nung saya aser iba ya alima nung laptop taputiba sen jenjang 49,990 lir. Iba laptop nung mezüngbuba Halo keyboard aser Real Pen input keta lir.
Iba laptop Carbon sentsü tenakrem nung lir aser Flipkart nungi alitsü akoktsü. India nung iba laptop ya Windows system aketba nung angutsü saka Android system aketba bener arutsübo Company ajanga ano melemtet.
Windows 10 Pro-powered Lenovo Yoga Book ya 10.1-inch full-HD (1200×1920 pixels) IPS display aser tesangwa 400 nits lir. Iba laptop processor ya 2.4GHz quad-core Intel Atom x5-Z8550 aser 4GB LPDDR3 RAM lir. Iba Lenovo Yoga Book hybrid nung 64GB internal storage keter angutsü aser 128GB microSD tashi inoka amshitettsü.
Iba laptop ya 9.6mm tapu aser tuozük gram 690 dang asüba ajanga alima nung taputiba aser tepongbatiba ta nüngja aguja lir. Company ajanga ashiba agi, iba laptop battery tashi 8500mAh lir aser khen charge asüba agi ghonda 13 tashi amshitettsü.
Lenovo Yoga Book nung ya Nano-SIM inokteter aser Dolby Atoms sound lir. Iba laptop nung tesülen 8-megapixel auto-focus aser tejaklen 2-megapixel fixed-focus camera lir. Iba laptop nung 4G LTE, Wi-Fi 802.11ac aser Bluetooth 4.0 amshiteter.
Lenovo Yoga Book ya full touchscreen aser keyboard tesülen nungi tesangwa agütsüba dak alaka keyboard mali.
Iba keyboard nung artificial intelligence software inoka lir aser ibaji ajanga tamshir-i koba yimya nung zülur, aji angazüka ayur. Real-pen ajanga nai keyboard nung noksa yanglutettsü.