BWF Finals: Sindhu-i tetenzükba asaya akok

Dubai, December 14 (Agencies): India’er tetsür badminton asayar mongin, PV Sindhu-i lar tetenzükba tetsür singles asaya koka, BWF Superseries Finals asayamong nung takok ngua asayatsü tenzükogo.
Sindhu-i ghonda 1 shi nung points 12-21, 21-8, 21-15 ngua, Japan tsür, Akane Yamaguchi tanü, Bodbar nü tsükdaktsü.
World No. 10, Sindhu-i lar taruba asaya China tsür, Sun Yu den asayatsü lemzükogo.
Tan asayamong nung 6 buba jenjang abenla, Sun-ia tanü minute 58 shi nung points 21-18, 24-22 ngua, Olympic champion, Spain tsür, Carolina Marin madak takok ngua liasü.
Tetsür badminton asayar tajungtiba 8 shimteta küm tatemlen asayaba Superseries Finals nung asayar pezüzü küma lemsar telok ana tashi tentetja lir aser telok anaprongla nungi temaba jenjang angur asayar 4-i semifinal asayatsü temeten angutsü.
Tan Superseries Finals tetsür singles shilem nung Sindhu India asayar kija lir.