NBSE-i Transfer Certificates atema metetdaktsür

Dimapur, December 17 (TYO) : Registered school temi Class IX Final tatidang nung tamakok angur nem Transfer Certificate magütsütsüla ta Nagaland Board of School Education (NBSE)-i sangdong ka nung tetuyuba agütsüogo.
School nung tezüngdak kaketshirtem readmission masübaji kaketshirtem taginüba anema inyakba mapa ka lir. Anungji, registered school temi iba mapa meinyaktsü tuyur, ta NBSE-isa metetdaktsüogo.
School temi kaketshirtem yaritsü atema mapa inyaktsüla aser parnok taginüba tongtsütsüsa inyaktsüla. Ibala tim masüba mapa inyakba school tem dak ‘departmental action’ alitsü, ta parnokisa shisem.