Khristmas mapang Mizoram nung power talila amshitsü

Aizawl, December 18 (Agencies) : Khristmas aser Küm Tasen benjungmung mapang Mizoram-i power talila atsüktsü aser ibaji online trading ajanga asütsü, ta Power & Electricity department ketdangsertemi Deobarnü metetdaktsü.
December 23 nungi January 2, 2017 tashi Indian Energy Exchange ajanga Mizoram nung power talila agütsütsü, ta parnokisa ashi.
“Anogo 11 nung onoki 1,260 million units shi power talila alizüktsü aser iba ajanga load shedding melii nübortem nem electricity timtem melii agütsütsü imlar” ta Superintending Engineer, State Load Dispatch Centre, Vanlalrema-i osangbener dang ashi.
Northeast nung ayongtem nung tzü akongba ajanga iba tesem nung aliba hydro-electric project aikati power peria magütsüteter aser Mizoram state nung power teimba nüngdaker, ta Vanlalrema-isa ashi.
Küm shia Khristmas aser Küm Tasen benjungmung nung Mizoram-i Tripura nungi power talila agia aru aser iba melena parnoki puja mapang nung power talila agütsü.