Tajungshiba Sempet

Saka kü adianu aser kü medemer inyaker aser kü medemer sepai, kü tenüngdaktsü nung nenok tenyar aser tenzüker, Epabrodita, nenok dangi yoktsü tenüngdaktsü ta ni bilemer. Fil. 2:25.
Nisung kari shirnok timtem mapang ajanger aor parnok dang tasü aittsü o mapang shidak nung kechi ashitsü metetta lir. Item nüburi Tsüngrem ola angatetta alir. Parnoki pei atema mebilemer mesüra parnok meketa atalokba memeteti malir. Mepetmesü mapang nung parnoki jet ta arua yarir. Timtem mapang nung parnok ajar, kechiaser parnok aliba jagi asenok tasü itdaktsür.
Timtem koda masü mapang Tsüngremi teyari yokba Laishiba nung kuli aika agütsür. Kodang Mosa pa mapa agi nungpanger koda mesüi alidang, pa yaritsü Jethro yoka aser pa ajungshi. Jethroi Mosa nem shisatsü tajung agütsü aser iba jagi Mosa mapa nung yari (Anitet 18:1-27).
Kodang Paul pa meimertem nungi talangka pilar tepuokdak ayu, Epafroditai timtem agia Paul tepuokdak yaritsü ao (Fil. 2:25-30).
Pauli Timotia arutsü asüngdang (2 Tim. 4:9; Fil. 2:19-20). Tesülen pai Mark-a anir arutsü ashi. Mark Paul temeim tembar ka liasü. Pa timtem nung alidang pai yari (2 Tim. 4:11; Filemon 24). Pauli Luk-a tajungshiba nunga temulung toka liasü. Ajak mazüngi alidang Luk-a Paul den liasü (2 Tim. 4:11) Paul tetentangba ajanga aodang Tsüngremi temeshi tembartem Paul dangi yoka, parnoki lenmang balala nungi tenla agüja yariba Paul taküm lidaktsü.
Tsüngremi na tangar nem teyari agütsüba tashi tait tembar ka südaktsüner. Nai lemsatepba o aser mapa jagi kibong, ne tembartem, ne kiyonger aser külem inyakertem dangi tesünep aser tasü tait bener arutsür.