Delhi nung Aamir Khan indang film nung saru magitsü

New Delhi, January 4 (Agencies) : Delhi Deputy Chief Minister aser Entertainment department indang tekolak Manish Sisodia-i Aamir Khan adokba film Dangal ji national capital nung tax free asütsü ta sangdong ka nung metetdaktsüogo.
Dangal ya nisung aika asoshi saisapong tanela ajungmesoba film ka lir, anungji Delhi nung iba film ya tax free asütsü, ta paisa shisem.
Delhi kidanger Haryana aser Uttar Pradesh na nunga Aamir Khan indang melangtepba film ya tawa tu tax free kümogo.
Iba film ya Mahavir Singh Phogat taküm otsü dak ajemdaker yangluba film lir, aser Nitesh Tiwari direct asü. Dangal film ya December 23 nü theatres nung sayaogo.