Syria:Gari bomb lendong nung nisung 9 asü

Damascus, January 05 (Agencies) : Brihostibarnü Syria anüdoklentip tsütsü anüolen aliba Latakia yimti nung gari nung bomb ka apokba mapang tajemba agi nisung 9 pokset aser 25 tashi yiru.
Iba tapoktsü ya sorkar kübok aliba Syria anüdoklentip tsütsü anüolen tzüküm tesem nung municipal stadium anasa apok, ta Efe osang ajanga metetdaktsü.
Iba yimti nung temang anema aliyim tsütsü otongdar kati ashiba agi, tasüngmang 10 den teyirur nisung 25 tashi Jabuleh city hospital-i bener aruogo.
Iba lendong ya taoba hopta Turkey aser Russia nati ceasefire tenzüker aliba tesem nung atalok.
Syria nung 2011 nungi civil war tenzükba sülen Latakia nungbo Aleppo tsütsü nungi amakba agi mekongshidangi liasü.
Iba tesem nung lendong agi kanga mekongshiba ajanga Tir Bashar Al-Assad-i aniba sorkar sepaitem aser parnok den dena aliba Russia sepaitem aser navy tem atema headquarter tajung ka lir.