BJP National Executive nung Modi nem tenüngsang agütsü

New Delhi, January 6 (Agencies) : Hokolbarnü Bharatiya Janata Party (BJP) nung Parliamentary Board züngsemtemi Prime Minister Narendra Modi nem sen tejentem anentsüba atema tenüngsang agütsü.
Hokolbar nungi NDMC Convention Centre, New Delhi nung anogo ana atema BJP National Executive meet tenzükogo.
Modi den BJP President Amit Shah nati iba sentong külemi lapoktsü aser sentong nung ketdangpurtem aser state unit president tem aden.
BJP central election committee-i January 14 nü ‘Makar Sankranti’ amungba sülen party candidate tem tenüng yimjak nung metetdaktsütsü imlar.