Tripura nung vote agutsürtem 2.56% agi teimba kümogo

Agartala, January 6 (Agencies): Hokolbar nü Election Department-i tatembangbuba electoral rolls agütsüdang ashiba agi, Tripura nung vote agütsürtem 2.56% agi teimba kümogo.
Ketdangsertemi ashiba agi temalen vote agütsürtem ajak agi 2,443,438 saka dang tatembangbuba electoral rolls adoktsüba nungbo vote agütsürtem 2,505,906 kümogo. Item rongnung tetsür 1,230,212 lir.
Maneni ketdangsertemi ashiba agi küm 18 ajanger züngsemi aitertem parnok ajak agi 41,907 l, item rongnung tetsür 17,679 liasü.
Ita pezü junga asadangba sülen Brehostebarnü metetdaktsüba osang ajanga ashiba agi, linük nung tebur 1000 shia tetsür 933 liasü saka tangbo 964 agi renlokogo.
“Linük nung tetsür aser tebur tsüngda tebendang indangji ni kanga jangjabo memetet, saka north-eastern state tem, Manipur, Meghalaya, Mizoram aser Arunachal Pradesh nung tanga state dang nungi teimba lir,” ta kasa ketdangserisa ashi.
2012 küm Tripura nung tebur 1000 shia tetsür 958 liasü, aser 2014 küm tetsür 962 liasü.