OnePlus-i India nung mezüng buba Experience Store’ lapoker

January 06, 2017 (Agencies): Hokolbar nü Chinese smartphone yanglur OnePlus-i India nung mezüngbuba ‘Experience Store’ Bengaluru nung lapokogo.
Iba store lapokba ajanga talirtem nem ‘One Plus’ indang oset balalatem tendangtsü asoshi maongka agutsütsü. Item oset rongnung smartphones, lifestyle indang osettem aser ano oset tilateri aika angutsü.
“India ya onok asoshi shishilembaba tesem tajung ka lir, aser onoki India nung mezüngbuba ‘experience’ store lapoktsü asoshi pela-a bilemer. Iba store ya ‘One Plus’ lokti nem bendanga agütsür, kechiyong parnok aliba ajanga dang onok shishilemba takok angur aser tejakleni aoer” ta Vikas Agarwal, General Manager, India, OnePlus-i olen ka shisem.
Maneni Loktiliba tesentaktep maparen balala atema iba store ya tiyongtsü ka asütsü.