Zungamedem CC aser Rainbow CC teloki takok angu

Mokokchung, January 06 (TYO): Tang Imkongmeren Sports complex nung tasayadak MDCA Inter Club T20 Cricket asayamung nung Zungamedem CC aser Rainbow CC teloki takok angu.
Asayamung tasemnü buba sayaba nung Zungamedem CC-i Longmiasang madak takok angu, aser Rainbow CC teloki Suzerain CC matak takok ngua liasü. Mezüng asaya nung Longmiasang CC-i toss asayaba akok aser par teloki over 20 nung wicket 8 out sür runs 94 yanglu. Zungamedem teloki kanga zübazüba koktettsü liasü saka par telok fielding nung tashi maitba ajanga catch temela pungu tashi meputet aser run talila 24 tashi aguja liasü. Longmiasang CC nungi Tsuknungmeren-i run 23 yanglu aser Bendangwapang-i run 20 yanglua liasü.
Zungamedem CC nungi Temjentoshi-i over pezü nung run 19 agütsü aser wicket 3 agi aser Bendangwapang-i over pezü nung run 18 agütsü aser wicket 2 agia liasü.
Zungamedem CC-i over 11.4 nung nisung 2 out sür 98 runs agitet wicket 8 agi Longmiasang CC madak takok angu. Longmiasang CC nungi Sashilong-i over pezü nung runs 38 agütsü aser wicket ka agi aser ka run out asü.
Tanabuba match nung Rainbow CC-i runs 27 agi Suzerain CC madak takok angu. Rainbow CC-i over 20 nung nisung pungu out süa runs 133 angu. Talikaba-i runs 44 aser Temjen-i 43 runs agiteta liasü. Suzerain CC nungi Temsulong-i runs 19 agütsü aser wicket ka agi, aser Lanuba-i runs 16 agüja wicket ka agia liasü.
Suzerain CC-i tetenzükdang kanga junga züka tenzük. Wangsi-i six ana züka 25 runs angu, saka parnok kanga run out süyonga ao aser over 18.3 nung runs 106 aliba mapang ajak out süatok. Rainbow CC nungi Alemjungshi-i ball kanga junga aonba ajanga over pezü nung runs 15 ang agütsü aser wicket asem agia liasü. Limawapang aser Viza nati wicket anana agia liasü. Asüng asayatsüpur telok rungnung tokuben Champion Brotherhood aser Tournament nung mezüng atener Gorkha Student Union asayatsü lir aser par telok ana asaya ya kanga jangratemtsü asütsü, kechiyong iba telok ana rongnung kati Tournament takok marok angutsü, ta nüburtemi bilemer.
Asüng asayatsüpur tem:
8:00AM- Zero Boys (A) v/s Jovial
12:00PM- Brotherhood v/s Gorkha Students Union