Mezüngbuba All Nagaland Ao Spelling Bee Championship 2017

Dimapur, Jan. 07 (TYI) : Lenjeter (monthly Ao Magazine) aser Department of Linguistics, Nagaland University Kohima na lungjemer ayongba Mezüngbuba All Nagaland Ao Spelling Bee Championship 2017 Changtongya nung 6th January 2017 anogo 9 ako nungi tenzüka Changtongya Baptist Arogo nung tetoktepba agia liasü.
Iba tetoktepba ya Changtongya Kaketshir Telongjemi jaoka (host) liasü. Sentong tenzüka Rev. I. Wati Pastor, CBC ajanga sarasadem. Tongti O jembir Dr. Chubatola Aier, Principal, C-Edge College Dimapur liasü. Ao Senden Literature Board (ASLB) Secretary, Temjen Tzüdir, iba tetoktepba nung Observer ka ama arua adenba den tajungshi O jembia liasü.
CKT Advisor O.Tongpang Jamir ajanga tejaoker nungi aser Ao Kaketshir Mungdang nungi Education Secretary Pangnemchibai jembia liasü. Sentong tembanga Rev. C. Manen, Pastor, CRC ajanga sarasadem.
Iba tetoktepba nung shilem agir ajak agi 16 liasü. Kohima nungi 5, Dimapur nungi 3, Mokokchung nungi 3 aser Changtongya circle nungi 5. Tetsür 11 aser tebur 5. Preliminary round nung tetokteper shia ojang terter asüngdang, iba nungi tajungtiba 10 shimteta Top 10, Top 5 aser Top 3 nung ojang pungungu asüngdang.
Final nung top 2 dang ojang tukoko asüngdanga liasü. Takoker rongnung Mezüng jenjang angurji Kr. Rishiben Walling (Meküli), Jubilee Memorial School, Class 10, Mokokchung nungi; Tanabuba jenjang nung Kr. Lanusenla T. Jamir (Khar), Edith Douglas Higher Secondary School, class 10 Mokokchung nungi aser Tasembuba jenjang angurji Kr. Imsubenla Tzüdir (Moayimti), Kohima Ao Baptist Arogo, Sunday School nungi (Fernwood Higher Secondary School Kohima, Class 10 nung azünger). Lenjeter-I Mezüng jenjang angur nem ita trok scholarship ita shia rs.500 agütsütsü.
Final nungi atur tetokteper ana dang ojang tukoko asüngdangbaji itemi liasü.
Küm shia All Nagaland Ao Spelling Bee Championship agia aotsü.