‘D’ Khel Kohima lanurtemi jail nungi jena aoer ka apu

Dimapur, August 11 (TYO) : ‘D’ Khel Kohima nung auyatsüya kanga asüba agi lanurtemi kiyong nüka mitdang auer ta temulung melemi bilemer ka apu.
‘D’ Khel Kohima lanurtemi apuba nisungji Ruyipra Thira lir aser pa ya Kikruma yimer asür Kahinu Thira’er jabaso. Pa tamachitsü mozü chir mapang meshidak nung senzüba atema apu, ta Sub-Divisional Police Officer & PRO Kohima-i sangdong ka nung metetdaktsü.
Lanurtemi pa apuba sülen North P.S Kohima-i anir arua police ket nung agütsü aser iba dak sendakba nung ken o ka benok,
Ken o benokba sülen police-i bushisüngdanga aodang Kahinu Thira ya taoba mapang ozüng anema inyakba ken o asem tashi nung aija aliba ngutet. Pa anema Pfutsero PS nung ken o ana aser Phek P.S nung ken o ka benoka lir aser talisa pa ya June 2014 nung District Jail Phek nungi jena aoba liasü, ta Kohima Police sangdong nungsa shia lir.
Ibaji asoshi pa District Jail Phek, Nagaland-i anir aotsü atema nüngdakba mapa inyakdar, ta parnokisa ashi.