Chakpa nung Financial Literacy Camp agi

Dimapur, January 8 (TYO) : January 6, 2017 nü Chakpa yimtsüng nung Financial Literacy / inclusion indang sentong ka ayongzüka agi.
Iba sentong ya Care and Support Society, Mokokchung-i Bank of Baroda, Mokokchung den külemi ayongzük aser NABARD ajanga teyari agütsü.
Sentong nung mendenji Care and Support Society, Managing Director, Imchawati Kichu liasü aser Chakpa Village Council, Council Secretary, Moluba-i tesentepertem pela agizük.
NABARD DDM, S. Amarjit Mangang-i sentong nung financial inclusion indang onük jembidang, Farmers Club, SHG/JLG, WCC & KCC Programme, PMMY aser Stand Up India Scheme indang metetdaktsü.
Paisa, digital transaction indang osang lemsatep aser iba atema Rupay Card yanglutsü atema yimdaklirtem ayongzük.
Sentong nungsa Bank of Baroda, Mokokchung Manage, Nahphoa-i banking, savings, financial planning nungertem indang metetdaktsü.
Paisa, PMJDY, PMSBY, PMJJBY aser APY indang tejangja osang metetdaktsü.