Tim mesüi kongshiba tatalokba sülen Tripura hospital nung ‘security’ akangshir

Agartala, Jan. 08 (Agencies): Anogo asem tsüngda nung tetsür ana dak tim mesüi kongshiba tatalokba sülen G.B. Pant mozüki nung security akangshiogo. Iba tatalokba ana rongnung ka dak sendakba nung police-i nisung ka pua lir.
Iba mozüki ya Agartala Government Medical College kima lir.
Northeast India nung tejentiba mozüki ka nung yamala tatalokba asoshi CPI(M) kübok züngoksema aliba All-India Democratic Women’s Association-i tsübua bilemer, aser kima nung security tali agütsütsü akhang.
Anogo ana tsüngda nung, taktang balala nung tetsür patient ana dak tim mesüi kongshi.
Tatalokba ka atema police-i arishi küm 32 tain Sunil Das ta ser nisung ka puogo.
Pai medicine ward nung tetsür tanur ka dak tim mesüi kongshi aser tanutsülai ola adokba sülen ward nung aliba teburtemi apu. Tanga tatalokba nung densema alisangji police-i metetogo, saka pa dang jenshia senzüdar.